Ngjarje e rëndë në Tiranë, 65-vjeçari ndërron jetë në rrugë

Një 65-vjeçar ka ndërruar jetë në rrugë në kryeqytet, ndërsa dyshohet si pasojë e një ataku kardiak.

Policia njofton se ngjarja ka ndodhur rreth orës 13:45, në afërsi të ish-parkut të autobusave, ndërsa viktima ka inicialet D. K..

“Nga këqyrja paraprake nuk janë konstatuar shenja dhune dhe dyshohet se vdekja ka ardhur si pasojë e një arresti kardiak”, bën me dije policia.

Grupi hetimor ndodhet në vendngjarje dhe po punon për sqarimin e rrethanava të ngjarjes.