Niko Trimit i digjet shtëpia, sapo sheshoi problemet me bashkëshorten

Familja e Niko Trimit, ka përjetuar së fundmi një dramë tjetër pas problemeve familjare dhe pajtimit të dy bashkëshortëve. Gjatë mesnatës  Niko Trimit i është djegur shtëpia.   

Pak ditë më parë ai fali bashkëshorten, Edmonda Trimi, që u prangos për dhunën e ushtruar ndaj tij. Pasi e fali,  e pranoi sërish atë të kthehej në shtëpi, madje edhe u festua publikisht mes tyre rikthimi i Edmonda Trimit. Por sapo kishte sheshuar konfliktet me gruan e tij, Niko Trimi nga fshati Stan- Karbunarë i Lushnjës po përballet me një tjetër problem të madh, sepse rreth mesnatës shtëpia e tij ka marrë flakë, kur 5 pjesëtarë të familjes së tij dhe 4 të familjes së vëllait ishin të gjithë në gjumë.

Zjarri ka shpërthyer në kuzhinë dhe më pas është përhapur edhe në dhomat e tjera.

Niko Trimi ka njoftuar policinë dhe zjarrfikësen të cilët pasi mbërritën shuan zjarrin, por kur ishin shkrumbuar të gjitha orenditë. Policia po heton shkaqet, por Niko Trimi është i bindur se bëhet fjalë për një zjarrvënie të qëllimshme dhe dyshon se e tërë kjo mund të ketë lidhje me historinë personale të tij me bashkëshorten. Ai e denoncoi gruan për dhunë dhe më pas e tërhoqi padinë dhe i kërkoi asaj të kthehej pranë fëmijëve, me kusht që të mos ishte më aktive në rrjetin social Facebook.