Nisin reshjet e borës në Kukës dhe Librazhd

Ulja e temperaturave ka sjellë dhe rinisjen e reshjeve të borës në Kukës dhe në Librazhd. Bora ka nisur pasditen e sotme duke bërë që këto qytete të shtrohet një qilim i bardhë. Deri më tani akset rrugore nuk kanë probleme dhe nuk ka bllokim të tyre për qarkullimin e mjeteve.

Në qytetin e Librazhdit kjo është bora e parë për 2021, ndërsa në Kukës trashësia e borës ka shkuar deri në 5 cm. Lëvizja në akset rrugore nacionale dhe ato bashkiake nuk paraqesin problem pasi akset janë të qarkullueshme.

Kompania kontraktore e rrugëve ndodhet në gatishmëri për lirimin e rrugëve me borëpastruese. Nga ana tjetër, Policia apelon qytetarët që të jenë të pajisur me goma dimërore, të respektojnë sinjalistikën rrugore dhe të ulin shpejtësinë.