Nisin sot regjistrimet në kopshte

Nisin sot regjistrimet në kopshtet publike. Fëmijët duhet të kenë kryer të gjitha analizat e nevojshme për regjistrimin në kopshte.

Drejtorja e Qendrës Ekonomike e Zhvillimit dhe Edukimit të Fëmijëve, Zhaneta Beqiri, tha për RTV Ora se kopshtet e kryeqytetit kanë një kapacitet pritës prej afro 11 mijë vendesh.

Ndërsa për përballimin e fluksit të fëmijëve janë punësuar 190 edukatorë dhe staf mbështetës.

Fëmijët, të cilët i kanë prindërit në punë dhe nuk kanë mundësi ti marrin dot nga kopshti në orën 13:00, do qëndrojnë aty dhe për pjesën e pasdites.