Nisja e vit të ri shkollor, MSH apel: Prindërit, nxënësit dhe mësuesit të kontribuojnë për zbatimin e masave ndaj COVID-19

Ministria e Shëndetësisë me rastin e vitit të ri shkollor i ka bërë një apel prindërve, nxënësve dhe mësuesve në ditën e parë të shkollës në kushte pandemie.

Dr. Flutura Beqo ka theksuar se duhet një bashkëpunim dhe kontribut i nxënësve e prindërve bashkë me mësuesit që të frenohet përhapja e COVID-19.

Po ashtu në deklaratë Beqo tha se strukturat e  sistemi shëndetësor janë gati për t’ju përgjigjur për çdo problematikë, dhe për të izoluar në kohë rastet e dyshuara.

”Nisja e vitit të ri shkollor është një sfidë për strukturat arsimore dhe shëndetësore, të cilat janë në gatishmëri, por kërkohet kontributi dhe bashkëpunimi i nxënësve e prindërve, mësuesve, për të zbatuar rregullat e vendosura dhe për të sinjalizuar në kohë cdo rast të dyshuar, për të frenuar përhapjen e COVID19.

Prindërit duhet t’i masin çdo ditë temperaturën fëmijës para se të niset për në shkollë.

Për çdo shqetësim, mësuesit duhet të kontaktojnë koordinatorin e shkollës, i cili sinjalizon menjëherë strukturat shëndetësore. Ndërsa nxënësit, nëse gjatë qëndrimit në klasë kanë një shqetësim nga ana shëndetësore, të lajmërojnë menjëherë mësuesin e tyre.

Të gjitha institucionet arsimore që sot kanë filluar mësimin duhet të zbatojnë me rigorozitet Udhëzimin mbi masat anti-COVID19 me qëllim parandalimin e përhapjes së virusit CARSCOV2.

Strukturat e sistemit shëndetësor janë në gatishmëri për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar.”– thotë Flutura Beqo.