Një ditë para protestës, Basha i ”mbyll çdo derë” Berishës për negociata

Kreu i PD-së, Lulzim Basha gjatë konferencës për shtyp, tha se tani më nuk ka asnjë mundësi negociimi me Sali Berishën për zgjidhjen e krizës.

“Dua të përsëris se ndërsa nuk jam më i hapur për asgjë ndaj personit të shpallur ”non-grata”, që ka vënë hallin e tij, mbi interesat e demokratëve dhe të Shqipërisë.

Jam i gatshëm të dëgjoj dhe po dëgjoj, po reflektoj e do të vazhdoj të reflektoj me qëndrime e vendime demokratike ndaj kritikave, kundështimeve, kërkesave dhe propozimeve që forcojnë bashkimin tonë në diversitet, që shërbejnë për modernizimin e PD-së dhe fitoren e saj.

Kjo është e ardhmja që demokratët kanë zgjedhur, kjo do të jetë e ardhmja e PD-së”.