Një ditë pas Berishës, Basha shkon sot në Prokurori për protestën e 8 janarit! Pas tij, Gazment Bardhi

Sot radha e Llzim Bashës për të shkuar në Prokurori për protestën e 8 janarit te selia e Partisë Demokratike.

Një ditë pasi ish-kryeministri Sali Berisha dëshmoi në prokurori për 3 orë, ditën e sotme është thirrur Basha në orën 11:00, por nuk dihet nëse do të shkojë apo jo, sepse nuk e ka konfirmuar prezencën. Ndërsa pas Bashës, është thirrur Sekretari i Përgjithshëm i PD-së, Gazment Bardhi, në orën 12:00.

Ditën e djeshme, për 2 orë e 40 minuta ish-kryeministri Sali Berisha qëndroi përballë prokurorëve dhe u tregoi versionin e tij për protestën ku mbështetësit e Berishës u përplasën me mbështetësit e Bashës. Pas daljes nga prokuroria, lideri historik i demokratëve deklaroi se kishte informuar hetuesit se në seli ka pasur njerëz të armatosur dhe armët u larguan me makinën e kreut të Partisë Demokratike. Ai akuzoi sërish Bashën si peng të Ramës, teksa paralajmëroi edhe një herë protesta të fuqishme.