Një masakër, shqiptari vret vajzën e mitur dhe një burrë

Një krim i rëndë është regjistruar në qytetin e Foggia në Itali, ku një shtetas shqiptar raportohet të ketë vrarë me thikë vajzën e tij 16-vjeçare dhe një burrë. E plagosur në këtë ngjarje ka mbetur dhe ish-bashkëshortja e autorit.

Sipas të dhënave paraprake, ngjarja ndodhi në mesnatë në një pallat në rrugën Togliati, ku shqiptari Taulant Malaj vrau në fillim në shkallë shtetasin italian Massimo De Santis dhe më pas vajzën e tij të mitur.

Shkak për ngjarjen mendohet të ketë qenë xhelozia, ku 45-vjeçari Malaj dyshonte se shtetasi italian kishte një marrëdhënie me ish-bashkëshorten e tij. Gruaja dhe vajza mendohet të kenë ndërhyrë për të shmangur krimin, por mbetën dhe ato viktima të këtij sulmi.