Plagoset Noizy. Sherr me armë me Babastars (VIDEO)

Aktualitet E Shtunë, 1 Maj 2021 06:15

noizy2 noizy

Një sherr me armë ka ndodhur përballë një hoteli në Prishtinë, dhe mediat kosovare shkruajnë se dy këngëtarët Cozman dhe Noizy janë përleshur mes tyre.

Zëdhënësja e Policisë së Kosovës për Rajonin e Prishtinës, Flora Ahmeti ka konfirmuar arrestimin e 3 personave dhe plagosjen e një personi tjetër në përleshjen e armatosur, e cila ndodhi pasditen e të martës në sheshin “Nënë Tereza” në Prishtinë.

“Pak minuta para orës 18, ka ndodhur një përleshje mes 4 personave nga ku si pasojë e kësaj është plagosur një person i cili është dërguar në emergjencë për trajtim, ndërsa 3 të tjerë janë arrestuar”,- ka thënë Ahmeti.

Dëshmitarët që kanë qenë afër vendin të ngjarjes kanë thënë se janë përfshirë në përleshje dy reperë të njohur shqiptar Noizy dhe Cozman. I plagosur mësohet se ka mbetur Noizy.

Shkaqet e përplasjes nuk dihen ende, por konflikti mes anëtarëve të Babastars dhe OTR ku bën pjesë Noyzi është i hershëm.