Noterët, masat e reja disiplinore – Nga shkelja e konfidencialitetit, tek jashtëkompetenca territoriale e deri…
Noterët do të vihen përpara përgjegjësisë për çdo veprim në dëm të qytetarëve e bizneseve, me masa që mund të shkojnë deri te heqja e licencës apo së drejtës për të ushtruar profesionin. Është publikuar tashmë në Fletoren Zyrtare Kodi i Etikës për noterët ku përcaktohen natyrat e shkeljeve që do t’i bëjnë atë të në ardhmen subjekt të masave disiplinore.
Sipas përcaktimeve të reja, parashikohen si shkelje të rënda, të cilat sanksionohen me pezullim të përkohshëm nga ushtrimi i funksionit, gjobë, paralajmërim me shkrim, shkeljet e mëposhtme: a) ushtrimi i veprimtarisë noteriale jashtëkompetencës territoriale/lëndore të noterit, sipas nenit 8.5 të këtij Kodi; b) shkelja e konfidencialitet ose fshehtësia profesionale, sipas nenit 6 të këtij Kodi; c) mosregjistrimi i akteve dhe i veprimeve noteriale, në format elektronik, nëpërmjet sistemit të krijuar nga Dhoma, sipas detyrimit të përcaktuar në ligjin “Për noterinë” dhe në nenin 8, pika 4 e këtij Kodi; d) mosrespektimi për refuzim në rastet e parashikuar në nenin 9 të këtij Kodi; e) mosrespektimi i parimit të konkurrencës në ushtrimin e profesionit, sipas nenit 7 të këtij Kodi.
Ndërkohë që Parashikohen si shkelje të lehta, të cilat sanksionohen me gjobë, detyrimin e kryerjes së trajnimeve në lidhje me çështjet e etikës profesionale ose detyrimin e plotësimit të trajnimeve të formimit vazhdues profesional, shkeljet e mëposhtme: a) sjellja joetike e një noteri kundrejt noterëve të tjerë, sipas nenit 19 të këtij Kodi; b) sjellja joetike e një noteri kundrejt institucioneve publike ose private, sipas nenit 22 të këtij Kodi; c) mospërmbushja e detyrimeve për formimin vazhdues profesional, sipas përcaktimeve në ligjin “Për noterinë” dhe në nenin 14, pika 4 e këtij Kodi; d) mosparaqitja në mbledhjen e Asamblesë së Përgjithshme, pa arsye të përligjura, sipas nenit 17/4 të këtij Kodi.
