Nuk ka rend dhe siguri, tjetër vrasje në Shqipëri. Vritet nipi i Tonin Gjinit

Zbardhet emri i 51-vjeçarit që u qëllua pasditen e kësaj të marte në Rrëshen. Mësohet se bëhet fjalë për Andon Kelin, i cili ndërroi jetë rrugës për në spital. Ende nuk dihen shkaqet e kësaj vrasje, nëse kjo ka ndodhur për një konflikt të çastit apo nëse ka një histori të mëparshme.

”Rreth orës 17:40, në qytet Rrëshen, Mirditë, në rrugë është plagosur me armë zjarri shtetasi A.K, 51-vjeç, banues në fshatin Malaj, Mirditë, i cili është transportuar në spital dhe ndodhet nën kujdesin mjekësor. Në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes. Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve”, thuhet në njoftimin e policisë.

Sipas ”Top Channel”, Anton Keli është nipi i Tonin Gjinit (ose Armando Gjini), që i bën atentat në Tiranë një vit më parë, më 12 gusht dhe vlen të theksohet se dhe vrasja e tij është e të njëjtës natyrë. Gjini, është i njohur për drejtësinë si pjesë e grupit të Met Kananit. Ai ishte arrestuar vitin e kaluar ( 12 maj 2018) si pjesë e grupit të baronit të drogës dhe u mbajt pak kohë në paraburgim.

Ekzekutimi i Gjinit ndodhi në trotuarin e Katedrales së Rrëshenit. Në një moment bashkëshortja e Gjinit ka zbritur nga makina për të blerë diçka në një dyqan, ndërsa në makinë kanë pritur 48 vjeçari dhe djali i tij. Aty i është afruar një makinë me xhama të zinj, nga ku është qëlluar me armë zjarri.