Nuk ka shi, kjo e dielë me temperatura deri në 27°C
Aktualitet E Diel, 3 Tetor 2021 08:16
Kjo e dielë do të karakterizohet nga një mot i qëndrueshëm, ku në pjesën më të madhe të ditës do të kemi dominim të kthjellimeve në ultësirën perëndimore dhe vranësira të pakta në shtrirjen Lindore.
Gjatë pasdites dhe në vijim pritet shfaqje e vranësirave kalimtare edhe në ultësirën perëndimore.
Sipas MetoAlb, temperaturat e ajrit do të rriten lehtë në mëngjes, por mesdita sjellë rritje të lehtë duke luhatur vlerat ditore nga 8°C deri në 27°C.
Era do të fryjë e lehtë dhe mesatare me shpejtësi 35 km/h kryesisht nga drejtimi Jugor duke sjell dallgëzim 2-3 ballë.
