Nuk njiheshin, por nuk e duronin dot njëri-tjetrin. Pse u vranë dy 43-vjeçarët?

Kavaja u trondit mbrëmjen e së mërkurës, kur nga përplasja mes dy personave, çoi në vdekjen e tyre. Viktimat Armand Gosa dhe Sali Rexha prej disa ditësh kishin tensione me njëri-tjetrin.

Versioni i policisë referuar dëshmitarëve, por edhe familjarëve është se dy viktimat nuk njiheshin më herët dhe nuk kishin asnjë konflikt të fortë që mund të çonte deri në vrasje mes njëri-tjetrit. Ka qenë një konflikt banal dhe fjalët që shkëmbeheshin kryesisht sa herë takoheshin rrugës.

43-vjeçari Sali Rexha po qëndronte në lokalin në afërsi të shtëpisë së tij me qira në zonën e Valutës në Kavajë, kur mbërriti Armand Gosa. Fillimisht ata u konfliktuan verbalisht, derisa Gosa nxori thikën dhe goditi Sali Rexhën. Ky i fundit ndonëse me vete kishin edhe fëmijën, nuk iu shmang, por nxori pistoletën dhe hapi zjarr.