Nuk u emërua nga PS në KQZ, ish-anëtari bëhet drejtori i ri i Agjencisë Kombëtare të Ushqimit

Emërohet drejtori i ri i AKU-së, Agjencia Kombëtare e Ushqimit. Në krye të institucionit do jetë Bledar Skënderi.

Ai i zë vendin ish drejtorit të përgjithshëm të AKU, Robert Lili.

Bledar Skënderi ishte anëtar i KQZ-së, i cili kandidoi sërish për Komisionin Shtetëror të Zgjedhjeve, por nuk u propozua nga PS.

Kështu, Skënderi merr drejtimin e institucionit të AKU.

Njoftimi zyrtar

Në mbledhjen e sotme të qeverisë është marrë vendim për lirimin nga detyra të Drejtorit të Përgjithshëm të Autoritetit Kombëtar të Ushqimit, z. Robert Lili.

Ministri i Bujqësisë dhe Zhvillimit Rural, Bledi Çuçi e falënderon për kontributin e deritanishëm dhe punën e lavdërueshme të bërë në drejtimin e AKU-së, procesin e nisur të reformimit dhe shndërrimit të AKU-së në një njësi inteligjente.

Lili do të vijojë angazhimin profesional brenda strukturave të Ministrisë së Bujqësisë dhe Zhvillimit Rural.

Po sot, me vendim të Këshillit të Ministrave është emëruar drejtori i ri i këtij institucioni, Bledar Skënderi.

Shprehim besimin se ai do të punojë me përkushtim dhe do të çojë përpara procesin e ristrukturimit të Autoritetit Kombëtar të Ushqimit i nisur nga paraardhësi i tij, si dhe do të adresojë si duhet të gjitha sfidat dhe problematikat që lidhen me sigurinë ushqimore në vend.