Ogerta Manasatirliu, apel maturantëve: Sot afati i fundit i fazës së parë të aplikimit për në universitet

Ministrja e arsimit dhe Sportit, Ogerta Manasatirliu i bëri apel sot maturantëve të plotësojnë formularin A2 me 10 degët preferenciale.

Në një postim në rrjetet sociale Manastirliu tha se “sot është afati i fundit për të gjithë maturanatët i raundit të parë të aplikimit për në universitetet tona”.

Konfirmimin e të dhënave në sistem e kanë bërë rreth 20 mijë maturantë dhe se të drejtën të aplikojnë për sistemin bachelor e kanë ata maturantë që kanë mesatare mbi 6.5, ndërsa ata që e kanë më poshtë mund të aplikojnë për sistemin profesional 2-vjeçar.

Maturantët që kanë zgjedhur të studiojnë në ato degë që kanë konkurs, listat dhe afatet do t’i gjejnë pranë fakulteteve përkatëse.

Më 28 gusht është faza e ankimimit.

Më 30 gusht-13 shtator është faza e regjistrimit në Institucionet e Arsimit të Lartë, ndërsa do të ketë publikim real të renditjes dhe në fund faza e çregjistrimit, për të cilën është caktuar një kohëzgjatje prej dy ditësh nga 14-15 shtator.

/k.s/