“Open Balkan”/ Zv.ministri Kadia: Fitojnë edhe qytetarët, mundësi për tregje të reja

Nisma e Shqipërisë, Serbisë dhe Maqedonisë së Veriut, për “Open Balkan”, ka krijuar shumë zhurmë edhe përtej kufijve më shumë se politik. Zv.ministri i Financave Besart Kadia, thotë se projekti është në dobi të qytetarëve e bizneseve të secilit vend pjesëmarrës dhe do të rrisë mundësitë e zhvillimit të tregjeve të reja.

“Gjithë synimi i saj është të kemi një tregti të paanshme, efikase e cila ndihmon në lëvizjen e lirë të mallrave, njerëzve drejt këtyre vendeve. Ndër avantazhet e Shqipërisë padyshim që është turizmi, pasi lehtësimi, liria dhe vullneti politik kanë bërë të rritet fluksi si këtë vit nga turistë maqedonas apo serbë. Për të parë nëse do ketë apo jo shkëmbime tregtare në rritje duhet parë ajo që është më e rëndësishmja është të krijohet ndërlidhja e investimeve potenciale në prodhim midis vendeve të Ballkanit”, tha Besart Kadia, zv.ministër Financave dhe Ekonomisë.

Për të zbatimi me sukses i kësaj nisme që synon rritjen e ndërveprimit në Ballkan duke lehtësuar kushtet e të bërit tregti e jo vetëm, na përafron më tej me direkativat për t’u bërë pjesë e Bashkimit Europian. “Praktikisht ne po ushtrojmë atë çfarë do jenë 4 liritë që do kemi me Bashkimin Ekonomik dhe po mundohemi ti zbatojmë në vendet e rajonit. Hequr diskutimet politike, ky është një proces i cili është krejtësisht në avantazh të qytetarëve të vendeve pjesëmarrëse”.