Operacion antidrogë në Tiranë, por zbulohet edhe laborator në Qerret

Një operacion antidrogë po zhvillohet në Tiranë mbrëmjen e sotme. Agjentët po zhvillojnë kontrolle në zonën e Kodrës së Diellit, për të goditur fenomenin e shpërndarjes së drogës, kryesisht kokainë. Gjithashtu kontrolle po bëhen edhe në zona të tjera. Raportohet për një laborator droge edhe në Qerret. Në krye të operacionit qëndrojnë SPAK dhe autoritetet ligjzbatuese nga Spanja, për llogari të të cilëve po kryhet ky aksion. Ende nuk ka një reagim zyrtar mbi operacionin, por bëhet fjalë për disa të arrestuar dhe shënjestër është goditja e trafikut të kokainës.