Operacioni i kokainës, jepet masa për babë e bir, zbardhen dëshmitë në sallën e gjyqit
Aktualitet E Diel, 11 Korrik 2021 03:20
Në gjykatën e Tiranës sapo është dhënë masa e sigurisë “arrest me burg” për të dyshuarin Ardit Murati dhe detyrim paraqitje për Shehat Muratin, at e bir, në lidhje me operacionin e tre ditëve më parë tek “Don Bosko” që degjeneroi në përdorimin e armëve nga ana e policisë, në ndj ndjekje të mikut të Arditit, Bledi Peca.
Siç raporton për BalkanWeb, at e bir nuk kanë pranuar para gjykatës të kenë lidhje me sasinë e kokainës së gjetur në banesën e tyre. Ata kanë thënë se lënda narkotike i përkiste Arbër Muratit, djalit tjetër të familjes Murati dhe e ata s’kishin dijeni për këtë.
Kujtojmë se në kudër të operacionit “Përpjekja e fundit”, ku u ndoq dhe plagos Bledi Peca, teksa udhëtonte në makinën e 22-vjeçarit Arbër Murati, policia ushtroi kontroll edhe në banesën e këtij të fundit.
Në dhomën e gjumit të Arbër Muratit është gjetur një sasi lënde narkotike e dyshuar e llojit kokainë e peshës 50.2 gramë, 10 doza pluhuri të dyshuara të llojit kokainë, ngjyrë e bardhë, një dorezë metalike, një sasi vlere monetare në valutë prej 1210 euro dhe 18 000 lekë të reja, të cilat u sekuestruan. Për pasojë u arrestuan në kushtet e flagrancës vëllai dhe babai i tij, ndërsa është shpallur në kërkim 22-vjeçari.
KOHA JONË SONDAZH
