Operacioni i Policisë për energjinë, 4 të arrestuar gjatë ditës së sotme
Deri në orën 19:00 të ditës së sotme janë arrestuar 4 persona, të cilët akuzohen për vjedhje të energjisë elektrike dhe shpërdorim detyre , si dhe janë shpallur në kërkim 4 persona të tjerë.
Është arrestuar një elektriçist në Përmet, si dhe është mbështetur OSHEE në 937 raste gjatë ditës së sotme. Janë ndërprerë 311 lidhje të paligjshme të energjisë dhe abonentve debitorë.
Ndërkohë nga të arrestuarit, 3 prej tyre janë pronarë biznesesh.
Sipas qarqeve rezultatet paraqiten si më poshtë:
• Nga Drejtoria e Policisë së Qarkut Vlorë janë arrestuar 2 persona dhe janë shpallur në kërkim 4 person.
• Nga Drejtoria e Policisë së Qarkut Durrës është arrestuar 1 person.
• Nga Drejtoria e Policisë së Qarkut Gjirokastër është arrestuar 1 person.
(Elekriçist në Përmet)
• Nga Drejtoria e Policisë së Qarkut Dibër është shpallur në kërkim 1 person.
Policia e Shtetit është vendosur të mbështesë OSHEE-në deri në shkëputjen e fundit të lidhjeve të paligjshme të energjisë , duke përballur me forcën e ligjit të gjithë ata persona, të cilët abuzojnë me energjinë elektrike.