Operacioni në Lazarat, emrat e 14 të ndaluarve nga policia
Agjentët e policisë në Lazarat kanë lokalizuar vendin prej nga një ditë më parë u hap zjarr ndaj efektivëve të RENEA-s. Agejntët kanë kryer atje mbikëqyrjet e para.
Nga të dhënat e fundit mësohet se janë gjetur mbi 100 gëzhoja kallashnikovi e mitralozi dhe është vërtetuar se personat që qëlluan kanë qenë disa dhe jo një i vetëm, nisur edhe nga fakti se efektivët, ditën e mërkurë, u gjendën nën një breshëri plumbash.
Në vendin e krimit janë konstatuar gjithashtu 10 vatra zjarri, si dhe një granatë dhe një thikë. Në fshat ndodhen edhe ekspertë të kriminalistikës, të cilët po koordinohen me efektivët për mbledhjen e provave materiale. Vetëm pak më herët, pas disa orë kontrolle, policia arrestoi 3 persona të tjerë, të dyshuar si anëtarë të "grupit të zjarrit", duke e çuar në 14 numrin e të arrestuarve.
Policia e Shtetit vijon operacionin për kapjen e personave të shpallur në kërkim, për sulmin me armë të një ditë më parë, ku mbeti i vrarë efektivi i forcave RENEA Ibrahim Basha dhe u plagosën dy efektivë të tjerë.
Gjatë këtyre orëve, janë ndaluar 14 shtetas:
1. Zhaklin Dërxho 8. Gurim Skënderi
2. Albon Meçi 9. Denis Mahmutaj
3. Rustem Mahmutaj 10. Xhuljano Nuri
4. Fatmir Gërveshi 11. Sinan Rabaj
5. Jeton Kalemi 12. Sevo Shurdhi
6. Xhuljan Malo 13. Gerald Bime
7. Xhemil Gjolleshi 14. Eligent Basha
Në orët e para të mëngjesit të sotëm, forcat speciale RENEA dhe FNSH kanë rinisur kontrollet në fshatin Lazarat dhe në banesat e personave të shpallur në kërkim.
Ndërkohë grupi hetimor po kqyr vendin ku u sulmuan me armë forcat e Policisë. Të dhënat paraprake evidentojnë të paktën 10 vatra zjarri, ku u sekuestruan rreth 100 gëzhoja kallashnikovi dhe mitralozi, një granatë dhe një thikë.
Policia e Shtetit përsërit edhe njëherë thirrjen drejtuar personave të shpallur në kërkim, të dorëzohen pranë organeve ligjvënëse. Operacioni do të vijojë deri në kapjen e personit të fundit në kërkim dhe përballjen e tyre me forcën e ligjit.
Lajme të tjera për këtë ngjarje në "Koha Jonë":
RENEA nis supërmësymjen në Lazarat
Banorja e Lazaratit: Shteti të largojë kriminelët
Ibrahim Basha shpallet Dëshmor i Atdheut
Oficeri i RENEA-s rrëfen: Si na ngritën pritë në Lazarat
Shkon në 14 numri i të ndaluarve në Lazarat
Braho: Kamorra e Berishës na zuri në befasi
Operacioni i policisë sot në Lazarat
Ceremonia për Ibrahim Bashën, homazhe në Pallatin e Brigadave
Tahiri: Ibrahim Basha u qëllua pabesisht!
Terrorizmi godet shtetin në Lazarat
Të mbijetosh në Irak dhe të vdesësh në Lazarat