Opozita në ngujim? Deputeti i Rithemelimit zbardh vendimet e grupit: E vetmja formë që qeveria të tërhiqet

Deputeti i PD-së së Rithemelimit, Lefter Gështenja flet për aksionin opozitar dhe vijueshmëria e tij. Për të aksioni do të vazhdojë si në Kuvend ashtu edhe në terren, duke deklaruar se kjo është e vetmja formë që mund ta bëjë qeverinë të tërhiqet dhe të plotësojë kërkesat e tyre, për Komisionet Hetimore dhe për zgjedhjen e përfaqësuesit të tyre në Reformën Zgjedhore.

I pyetur nëse do të shkohet deri në ngujim apo grevë urie, sikurse kanë qarkulluar informacion në media ditët e fundit, pas mbledhjes së Grupit Parlamentar të PD, ai tha se duhet t’ia lënë një momenti tjetër këtë përgjigje.

“Le t’ia lemë një momenti tjetër. Nuk them se është e tepër si pyetje. Por, ne duhet të vazhdojmë aksion opozitar në Parlament dhe në terren me njerëzit. E vetmja rrugë që kjo qeveri të tërhiqet. Pse trembet mazhoranca nga kërkesat tona kushtetuese?”, u shpreh ai ndër të tjera.