Ora 16:00 po vjen, prezantohet “Kushtetuta e Studentëve”

Afati i vendosur nga studentët për të marrë një përgjigje për kërkesat e tyre është drejt përfundimit. Studentët kanë deklaruar se ora 16:00, e ditës së sotme, është afati i fundit për Ministrinë e Arsimit dhe Qeverinë për të kthyer përgjigje. Nga Qeveria nuk ka ende asnjë reagim, lëvizja e studentëve po thellohet. Disa prej protestuesve kanë prezantuar pak minuta më parë ”Kushtetutën e Studentëve”. Ata kanë lexuar disa prej pikave të kësaj Kushtetute, ku kryesorja ishte refuzimi i negociatave për kërkesat e tyre dhe jo krijimi i një përfaqësie.