Pa maska, gjoba për 621 qytetarë. Një 41-vjeçar me Covid-19, tenton të kalojë kufirin
621 qytetarë janë kapur nga maska në rrugë dhe ndaj tyre është marrë masa administrative 3.000 lekë, duke qenë se janë konstatuar pa maska mbrojtëse, e cila është detyrim për të gjithë qytetarët, që në momentin që dalin nga shtëpia.
Gjobat e vendosura nga Patrullat e Përgjithshme dhe ato të Policisë Rrugore do ju kushtojnë shqiptarëve mbi 18 milionë lekë brenda 24 orëve. Nga ana tjetër, nuk kanë ngelur pa u ndëshkuar dhe ata qytetarë që nuk e kanë respektuar këtë rregull pavarësisht se janë dënuar edhe më parë.
Në Durrës është ndëshkuar me masën 5.000 lekë, një 21-vjeçar, pasi është konstatuar përsëritës i mosmbajtjes së maskës, herën e parë në rrugë dhe herën e dytë në një automjet, me drejtuesin e të cilit nuk kishte lidhje familjare. Një 41-vjeçar i infektuar me Covid-19 ka tentuar të kalojë kufirin në Kakavijë dhe për këtë është gjobitur me 700.000 lekë. Rastet kur masat anti-covid nuk janë respektuar edhe në biznese janë ndëshkuar gjithashtu.
”Në Elbasan është ndëshkuar me masë administrative 1 milion lekë shtetasi P.N, pasi në lokalin në pronësi të tij, në Hotolisht, Librazhd, ka organizuar një ceremoni martesore, ne kundërshtim me masat anti-covid”,-thuhet në deklaratën e Policisë. Po e njëjta gjobë është vënë edhe për qytetarin E.B, i cili ka në pronësi një lokal në Korçë dhe ka vendosur muzikë pas orës 20:00. Gjatë 24 orëve të fundit 11 qytetarë janë shoqëruar në komisariat sepse kanë refuzuar të tregojnë një mjet identifikimi para punonjësit të Policisë.
