Paketë e dytë ndihmëse, kompensim për panelet dhe energjinë deri 800 kwh

Qeveria do të ketë një paketë të dytë mbështetëse për krizën energjetike dhe rritjen e kostove të jetesës. Kjo paketë do të prezantohet të mërkurën dhe kryefjala do të jetë mbështetja e sektorit energjetik dhe e shtresave në nevojë.

Qeveria do të shpallë paketa subvencionuese për iniciativat private të bizneseve dhe familjeve që duan të instalojnë impiante fotovoltaike. Do të prezantohet fasha 800kW/h deri në të cilin qeveria do kompensojë familjet dhe bizneset e vogla me çmimin 9.5 lekë. Mbi këtë fashë do të paguhet një çmim më i shtrenjtë.

Po ashtu qeveria do prezantojë urdhra administrativë për administratën publike për kursimin e energjisë. Kjo do të shërbejë edhe si një shembull për familjet shqiptare.