Pakti PS-Rithemelim, Erl Murati: Aq vlerë ka, sa Berisha nuk ka thënë gjysmë fjale
Erl Murati thotë pakti PS-Rithemelim ka aq vlerë saqë Sali Berisha nuk ka thënë asnjë gjysmë fjale prej një jave dhe se i vetmi lajm pozitiv është rikthimi i jetës parlamentare.
”Aspekti politik i marrëveshjes duket te qëndrimi i liderit të opozitës. Aq vlerë politike ka kjo marrëveshja saqë ka javë ka që ka ndodhur dhe Berisha nuk ka thënë asnjë gjysmë fjale. Kjo dakordësi ose marrëveshje është një rrugëdalje për opozitën për atë situatë të vështirë që e futi veten gjatë pesë muajve të fundit në Parlament.
Nuk është faji i saj sepse ajo kërkon komisione hetimore që i garantohen me Kushtetutë, por unë besoj se me ndërhyrjen e faktorit ndërkombëtar është bërë e mundur të arrihet kjo dakordësi dhe të rifillojë jeta normale parlamentare gjë që për mua është pozitive. Ka mendime më radikale si qëndrimi i z.Salianji që është kundër apo z.Shehu që kërkon një jetë normale parlamentare”, tha Murati.
