Palma bie mbi kalimtarët, plagosen dy persona (VIDEO)

Një incident ka ndodhur sot në Durrës. Një pemë palme është këputur duke rënë mbi qytetarët. Ngjarja ka ndodhur në Bulevard pranë sheshit “Azem Hajdari”.

Ndërkohë në videon që Syri.Net ka siguruar duket se palma përveçse ka plagosur dy persona ka zënë poshtë edhe një motor që siç duket ishte parkuar në vendin e gabuar.

Moti në Durrës është i qetë dhe nuk ka ndonjë stuhi apo erë të fortë, ndaj nuk ka një shpjegim pse ka ardhur dhe rënia e pemës. Ndoshta ka qënë e plasaritur si pasojë e termetit të 26 nëntorit ose furtunës së një dite më parë.