Palmer pas bisedës me Metën, Ramën dhe Bashën: Zgjedhjet të jenë sipas standardeve demokratike

Zv/ndimës Sekretari Amerikan për Shtetit, Matthew Palmer po zhvillon një bashkëbisedim me gazetarët e Alumni të programeve të SHBA. Palmer ka dhënë një mesazh për zgjedhjet duke kërkuar nga palët që janë sipas standardeve demokratike si dhe të sigurohet që të kihet besim për rezultatin.
Palmer konfirmon se ka folur me Ramën, Metën e Bashën duke i cilësuar si biseda të mira. Ai ka vlerësuar gjithashtu përpjekjet për Reformën në Drejtësi.
“Pata bisedime të mira me Presidentin e Kryeministrin. Vlerësoj përpjekjet që janë bërë në Reformën në drejtësi. Zgjedhjet të jenë sipas standardeve demokratike. Kam biseduar edhe me kreun e PD, Lulzim Basha. Të sigurohet që shqiptarët të kenë besim për rezultatin. SHBA e përkushtuar të jetë partner i fortë për Shqipërinë. Jemi të përkushtuar për të ardhme euroatlantike të Shqipërisë’’- tha Palmer.
Zv/ndihmës sekretari amerikan i Shtetit, Matthew Palmer ka mbështetur plotësisht deklaratat e ambasadores Yuri Kim për kandidatët e zgjedhjeve të 25 prillit në Shqipëri. Palmer thotë se ambasadorja Kim ka qenë mëse e qartë në deklaratat e saj, dhe kandidatët e partive duhet të jenë të besueshëm. Ai thotë se më e rëndësishmja është të ketë zgjedhje transparente si dhe të vijojë Reforma në Drejtësi.

‘’E rëndësishme ajo çfarë ka thënë Yuri Kim. Ata që kandidojnë duhet të jenë të besueshëm. Yuri Kim ka qenë e qartë në deklaratat e saj. Ka pasur progres në Shqipëri në reformën në drejtësi, por ka ende shumë punë për të bërë. E rëndësishme është të zhvillohen zgjedhje transparente. Stërvitje ushtarake me disa vende të NATO-s, ne kemi zgjedhur edhe Shqipërinë që është anëtare e NATO-s. Ndërkohë jemi të përkushtuar që të ketë vaksina në të gjithë botën”,- tha Palmer.