Pampuri: Nuk e bojkotojmë procesin për Presidentin! Kryetari i ri? Me Berishën s’ka garë të hapur në PD

Partia Demokratike nuk ka ndërmend ta bojkotojë procesin e zgjedhjes së presidentit të ri. Deputetja Orjola Pampuri thotë se nuk mund të bojkotojnë këto nisma të rëndësishme, pasi historia ka treguar që kur nuk merr pjesë nuk respektohesh nga ”kundërshtarët”.

“Të tilla nisma të rëndësishme, nuk mund ti bojkotojmë. Unë dhe kolegët e mi nuk bojkotojmë se e pamë që nuk respektohesh nëse bojkoton. Çështje që është diskutuar, nuk mund të ketë bojkot”. 

Për garën e 22 majit për kreun e ri të PD-së, Pampuri tha se nuk ka asnjë garë të hapur përsa kohë që kandidon edhe Sali Berisha.

”Ka ardhur koha që të ketë një garë më të hapur, që duke patur edhe këtë problemin, momentin që Berisha ka dalë ‘non grata’ jam ndjerë keq, e kemi botuar mbështetur. Jam ndjerë mirë kur deklaroi që këtë situatë do e merrte vetë pa përfshirë PD-në”.