Parku Rinia i kthehet bashkisë
Këshilli i Ministrave, në një mbledhje të drejtuar sot nga zv.kryeministri Niko Peleshi, vendosi Shfuqizimin e vendimit nr.1233, datë 11.12.2009, të Këshillit të Ministrave, “Për kalimin në përgjegjësi administrimi Ministrisë së Punëve Publike, Transportit dhe Telekomunikacionit të sipërfaqes së truallit të parkut “Rinia”, në Tiranë”.
U ngarkuan Ministria e Punëve të Brendshme, Bashkia e Tiranës dhe kryeregjistruesi i Pasurive të Paluajtshme të Republikës së Shqipërisë për zbatimin e këtij vendimi.
Parku Rinia i ishte hequr nga administrimi bashkisë së Tiranës me një vendim të qeverisë Berisha, për shkak të problemeve lidhur me subjektin “Tajvan” që ndodhen në këtë zonë.