Partneri italian i 37-vjeçares që u vra nga burri: Klodiana nuk kishte frikë nga ai

Xhelozia ishte shkaku kryesor që Alfred Vefa vrau me armë zjarri gruan e tij, Klodiana Vefën me të cilën ishte ndarë tashmë, nënë e dy fëmijëve dhe më pas veten. Mediat italiane kanë zbardhur detaje të reja nga ngjarja që tronditi Italinë dhe Shqipërinë.

Në rrëfimet e fëmijëve përmendet disa herë “një xhelozi shumë e fortë” e burrit që ndoshta nuk ka pranuar të shihte Klodianën të dilte për të parë atë që fëmijët e dinin si “mik”.

Në realitet ishte i dashur i Klodianës, i cili ka folur për hetuesit e krimit. “Klodiana nuk kishte frikë nga i shoqi. Edhe kur i tha se kishte një armë, ajo më shpjegoi që të mos kisha frikë”.