Pas orës 22:00 shtim të policisë/Ziu: Në rrugë edhe civilë, ja çfarë do tu kërkohet qytetarëve

Nga sot nisin masat shtrënguese për shkak të situatës së Covid-19 në vendin tonë, duke kufizuar lëvizjen nga ora 22:00 deri në 06:00 të mëngjesit. Nëndrejtori i Drejtorisë vendore të Policisë së Tiranës, Dhimitraq Ziu ka bërë me dije se pas orës 22:00 do të ketë një shtim të efektivëvë te policisë në rrugë për të parë zbatimin e rregullit të ri që hyn sot në fuqi. Sipas tij, do të patrullojnë edhe efektivë policie civil, me qëllim që ky rregull të ketë një zbatueshmëri të plotë.

”Ne vazhdojmë me gjoba, mos mbajtja e maskës, distancimi fizik, lokalet deri në orën 20:00 nuk do të ketë më pas muzikë. Krahas gjobës, për qytetarët është gjoba, bllokimi i mjetit, kemi vepër penale nëse është ndëshkuar 2 herë, gjobë deri në 6 muaj burg. Për bizneset mbyllje të aktivitetit deri në 6 muaj dhe për vepër penale burg. Nuk do të lihet asnjë pjesë e Kodit Penal pa u zbatuar, ne do ta kontrollojmë territorin në të gjithë territorin, një shef seksioni për të gjitha shërbimet, do të jetë pranë në çdo kohë policia. Është bërë një analizë për zonat që ka problematika dhe aty do të vendoset policia, këto janë zona me ris dhe këto janë dominonte dhe të monitoruara dhe këtu do të ndërhyjë policia. Policia e Tiranës ka efektivë mjaftueshëm, në orën 22:00 policia do të dyfishohet, me apo uniformë që të gjejë në maksimum zbatimin e këtij akti”, tha Ziu.

Çfarë do tu kërkohet qytetarëve në rrugë dhe cilat profesione përjashtohen? “Përjashtohen qytetarët që kanë kërkesa emergjence jetike duke aplikuar në portalin E-Albania. Përjashtohen institucionet dhe punonjësit e tyre që kanë detyra të domosdoshme ku përfshihen policia, urgjencat mjekësore mjekë, infermierë, zjarrfikës dhe agjensitë e tjera ligjzbatuese. Çdo lëvizje tjetër, qoftë mjete apo aktivitete të tjera, policia do të kërkojë vetëm dokumentin nga portali E-Albania. Për institucionet që përmenda më sipër do të kërkohet vetëm dokumenti që vërteton punësimin në këto institucione”.

Shefja e Epidemiologjisë në ISHP, Eugena Tomini, thotë se ky është fillimi i masave të moderuara për të shmangur karantinën kombëtare. Sipas saj, incidenca ka arritur në 177 raste për 100 mijë banorë dhe ka transmetim të gjerë komunitar. ”Është fillimi i masave të moderuara duke pasur masën e thjeshtë atë të maskës në ambiente të jashtme, duke vlerësuar situatën, rastet e hospitalizuara. Komiteti Teknik ka vlerësuar të arsyeshme për të rifilluar masat shtrënguese. Incidenca ka arritur në 177 raste për 100 mijë banorë dhe kemi transmetim të gjerë komunitar dhe vendosja e masave do të vlerësohet në dinamikë. Ka edhe masa parapritëse për mosfillimin e universiteteve”.