Pas PD, edhe PS depoziton në KQZ kërkesën për regjistrim në zgjedhje

Pas PD, edhe PS-ja depozitoi pranë Komisionit Qendror të Zgjedhjeve kërkesën për t’u regjistruar në zgjedhjet parlamentare të 11 majit.

Kërkesa është firmosur nga kryetari i kësaj partie, Edi Rama së bashku me deklaratën e angazhimit solemn që e kërkon Kodi Zgjedhor.

Në Komisionin Qendror të Zgjedhjeve, deri tani kanë depozituar kërkesë për t’u regjistruar në zgjedhje 13 parti politike përfshirë këtu edhe Partinë Demokratike dhe Partinë e Lirisë.

Partitë politike kanë afat për të kërkuar të regjistrohen si subjekte zgjedhore deri në datën 25 shkurt 2025.