Pas protestës, Basha në Asamblenë Politike të PPE

Nën kryesimin e Presidentit të Partisë Popullore Europiane, Joseph Daul zhvillohet këtë të hënë në Bruksel, Asambleja Politike e Partisë Popullore Europiane.

Në këtë Asamble marrin pjesë përfaqësues të partive të djathta europiane, të qeverive të vendeve europiane dhe të institucioneve të Bashkimit Europian.

Edhe kryetari i Partisë Demokratike, Lulzim Basha do të marrë pjesë në takimin e Asamblesë Politike, ku siç njofton selia blu, do të ketë takime me përfaqësues të lartë të politikës europiane, me të cilët pritet të diskutohen zhvillimet politike në Shqipëri dhe sfidat e saj në procesin e integrimit në Bashkimin Europian.