Pas tre orësh shuhet zjarri në fabrikën e peshkut në Lezhë

Pas më shumë se 3 orësh është bërë e mundur shuarja e flakëve në fabrikën e përpunimit të peshkut në Lezhë.

Në ndihmë zjarrfikësve të Lezhës u erdhën edhe zjarrfikëse nga Tirana, që u bë e mundur shuarja e flakëve.

Më herët u raportua se një prej zjarrfikësve është shoqëruar për në spital, ndërsa ende nuk dihet gjendja e tij shëndetësore!

Si pasojë e flakëve, policia njofton se është devijuar trafiku në autostradën Lezhë-Laç dhe është zhvendosur në rrugë dytësore.