Pas videos, gratë në Librazhd dalin në protestë: Nuk jemi k*rva

Pas publikimit të videos të 20-vjeçares, gratë në Librazhd kërkojnë barazi gjinore. Në një protestë mbështetëse ndaj saj, ato shprehen se janë të lira të zgjedhin dashurinë e tyre dhe se trupin e tyre e komandojnë vetëm vetë. Për to termi ”k*rvë” nuk duhet të ekzistojë dhe se është shumë patriarkal.

“Gratë janë qenie të lira dhe ato gëzojnë njësoj të drejta ashtu si burrat në shoqëri. Ne kemi autorësi mbi trupat tanë dhe jetën tonë, mbi të gjitha ne e zgjedhim vetëm dashurinë dhe kënaqësinë së cilës duam ti falemi.

Asnjë grua nuk është k*rvë, e përdalë apo të tjera epitete denigruese. K*rvëria është koncept patriarkal. Sot dalim krah njëra tjetrën në mbrojtje të njëra tjetrës. Trupi ynë është tempulli ynë dhe ne do ta zotërojmë atë”.