Pasaporta Covid edhe në Shqipëri, ja si do të bëhet

Mënyra e vetme e lëvizjes së lirë në Europë, është pasaporta të gjelbërta pas vaksinimit me dy doza të vaksinave, kjo edhe për qytetarët shqiptarë.

Dokumenti mund të shkarkohet lehtësisht nga portali shtetëror E-Albania dhe ka vlerë ligjore për të treguar se personi i pajisur është i imunizuar dhe mund të udhëtojë lirshëm.

Po ashtu në portalin E-Albania, vendosni kodin NID që ndodhet në kartën e identitetit dhe vendosni fjalëkalimin. Gjithashtu në rubrikën e caktuar është e mundshme që të shkarkosh dokumentin.

Mënyra e aplikimit

Identifikohuni si qytetar në portalin e-Albania; Zgjidhni shërbimin “Pasaportë vaksinimi Covid-19”; Klikoni butonin “Përdor”; Klikoni butonin “Shkarko dokumentin”; Pasaportën e vaksinimit Covid-19 me kodin unik mund ta gjeni në çdo kohë në seksionin “Dokumentet e mia” te hapësira juaj në portalin e-Albania.

Deri më tani, janë ende shumë vende që kërkojnë edhe testin Covid për të udhëtuar dhe parashikojnë edhe karantinim, por me ardhjen e sezonit turistik pritet që të ketë ndryshime me masat dhe të ketë lehtësime të ndjeshme.