Pasojat në Kombinat, mbi 100 familje duhet të lënë shtëpitë nga tërmeti

Në Tiranë, në lagjen Kombinat 10 pallate janë evakuuar. Autoritetet i kanë shpallur ato si të pabanueshme, për shkak të tërmetit të 26 nëntorit.

Mëngjesin e së dielës, ata nxituan të nxjerrin çfarë të munden nga orenditë shtëpiake. Problemi i tyre është i përbashkët, duan një çati mbi krye.

“Nuk e dimë ku të shkojmë, ku do të vemi, kërkojmë vetëm një çadër”, thonë disa banorë.