Pastrimi i parave, Gërxhani: Ka dy probleme madhore për sektorin e turizmit

I ftuar në emisionin “Ekopolitikë”, sipërmarrësi në sektorin e turizmit Klodian Gërxhani u shpreh se pastrimi i parave ka dy probleme të mëdha për Shqipërinë. Ai tha se së pari është para që investohet jashtë kontrollit dhe së dyti, ata që i investojnë nuk janë profesionistë të fushës.

Klodian Gërxhani: Nuk është lajmi i mirë. Risku i pastrimit të parave ka qenë prezent. Ndihet dhe në sektorin e turizmit. Kë lëvizje në hoteleri, në ndërtime pa kriter. Është shumë e rëndë sepse ka dy probleme. Është një injeksion parash kesh jashtë kontrollit dhe cilësia profesionale e këtyre njerëzve që investojnë nuk është më e mirë e mundshme. Megjithatë unë e shoh si një trend të përkohshëm. Këto para do futen në qarkullim por do ngelen aty.