PD: Bashkia Durrës përdor fondin e rindërtimit për zgjedhjet e 6 marsit

Përfaqësuesi ligjor i PD-së, Marash Logu nëpërmjet një postimi në facebook bën të ditur se bashkia e Durrësit ka konfirmuar denoncimin e PD-së. Vetëm 35 ditë para datës së zgjedhjeve të pjesshme vendore, ai thotë se 526 familje përfituan fonde nga procesi i rindërtimit.

Postimi i plotë

Bashkia Durrës konfirmon denoncimin e Partisë Demokratike: 526 familje përfituan fonde nga procesi i rindërtimit vetëm 35 ditë para datës së zgjedhjeve. KQZ pranon kërkesën e PD-së për kryerjen e hetimeve të thelluara.

Partia Demokratike kërkon zyrtarisht fillimin e hetimeve për punësimin e paligjshëm të 29 personave nga Bashkia Rrogozhinë në datën 25.01.2022, vetëm 5 ditë pas dekretimit të zgjedhjeve të 6 Marsit.

Partia Demokratike nuk do të lejojë asnjë manipulim të vullnetit të qytetarëve dhe mbetet e vendosur në përpjekjen e saj për të garantuar fitoren përmes zgjedhjeve të lira dhe të ndershme.