PD denoncoi rënien e suvasë, QSUT: S’ka fëmijë të dëmtuar

Paraditen e kësaj të marte, PD-ja denoncoi rënien e suvasë në Pediatrinë e Tiranës. Nuk ka vonuar as reagimi i QSUT, ku thotë se nuk ka fëmijë të dëmtuar. Sipas QSUT në lidhje me këtë ngjarje janë ekzaminuar dy pacientë të vegjël që ndodheshin në dhomë dhe që gjendja e tyre aktualisht paraqitet e mirë dhe pa dëmtime.

”Një incident ka ndodhur sot paradite në Shërbimin e Pediatrisë së Specialiteteve 1 në QSUNT, në pavionin ekzistues, si pasojë e shkëputjes së një pjese suvaje nga tavani i një dhome.Menjëherë personeli mjekësor ka ekzaminuar dy pacientët e vegjël që ndodheshin në dhomë dhe gjendja e tyre aktualisht paraqitet e mirë, pa dëmtime. Një grup ekspertësh nga Drejtoria e Shërbimeve Mbështetëse e QSUT, po kryen një vlerësim teknik për shkaqet e incidentit për marrjen e masave të menjëhershme”.

Ishte zëdhënësja e Partisë Demokratike, Ina Zhupa, ajo që denoncoi rastin e ndodhur në spitalin e Pediatrisë në Tiranë. Ajo njoftoi vetëm për një fëmijë të plagosur.