PD grisi fletat në Kuvend, Rama: Nuk është as mesazh politik, as shprehje njerzillëku (VIDEO)

Deputetët e PD-së si shenjë e mos pranimit të Lindita Nikollës si Kryetare e Kuvendit, grisën fletat e votimit dhe i hodhën në dyshemenë e Kuvendit, të cilat i mblodhi më pas kryeministri Edi Rama.

Ky i fundit përmes një postimi në facebook, ku ndan një video të momentit të mbledhjes së letrave, jep këtë mesazh.

”Hedhja e mbeturinave përtokë mu në dyshemenë e Kuvendit, kur njerëzit ndjekin ditën e parë në punë të përfaqësuesve të tyre, nuk është as mesazh politik, as gjest civil, as shprehje njerzillëku”.

Postimi i plotë

Mjedisi nuk është as i majtë as i djathtë dhe respekti për mjedisin është në radhë të parë respekt për veten, për njëri-tjetrin, për fëmijët tanë. Hedhja e mbeturinave përtokë mu në dyshemenë e Kuvendit, kur njerëzit ndjekin ditën e parë në punë të përfaqësuesve të tyre, nuk është as mesazh politik, as gjest civil, as shprehje njerzillëku.