PD hap degën e partisë në Teksas

Një grup nismëtarësh ka themeluar degën e Partisë Demokratike në Texas të Shteteve të Bashkuara të Amerikës.

“Ky angazhim erdhi pasi takimeve që pata me lidershipin e Partisë Demokratike por edhe më shqiptarët e teksasit dhe më gjerë, që janë të gatshëm të angazhohen në emër të zhvillimit dhe prosperitetit të atdheut tonë”,- thuhet në njoftimin e degës së PD, Teksas.

Kryetar i Degës së Partisë Demokratike në Texas është zgjedhur Gaspër Lekgega. Nën kryetare dhe Sekretare e Përgjithshme e kësaj dege është zgjedhur Lindita Vukatana.

Ndërkohë Dega e Partisë Demokratike ne Texas ka nisur punën për antarësimet, teksa vijon takimet me pjesëtarë të komunitetit shqiptar në Texas dhe në SHBA.

“Pas shtimit të numrit të anëtarëve Dega e Partisë Demokratike Texas do ti nënshtrohet një garë për zgjedhjen e lidershipit dhe strukturave drejtuese mbi parimin një anëtar –një votë. Dega e Partisë Demokratike Texas do të forcojë bashkëpunimin me shoqatat shqiptare që operojnë në Amerike në kuadër të çështjeve me rendësi për atdheun tonë”, njofton dega e PD, në Teksas, SHBA.