PD jep shenja për rikthimin e normalitetit në Kuvend

Shqyrtimin e projektligjit për amnistinë penale socialistët dhe demokratët duket se e nisën duke toleruar njëri-tjetrin në Komisionin për Sigurinë Kombëtare. Drafti bashkoi pas më shumë se katër muajsh socialistë e demokratë në një mbledhje të komisioneve parlamentare, edhe pse online.

Ferdinand Xhaferi u bë pjesë e mbledhjes jo vetëm me praninë e tij virtuale, por procedurialisht duke propozuar një amendament për projektligjin e Aministisë Penale.

Amendamenti do të merret në shqyrtim në mbledhjen e ardhshme të Komisionit, ku edhe socialistët do sjellin propozimet e veta, për shtrirjen e amnistisë edhe në disa parashikime të tjera të Kodit Penal.

Janë 15 kundravajtje penale. Kërkesave të socialistëve, përfaqësuesit e qeverisë u shprehën pozitivisht ku në shqyrtimin nen për nen do të përcaktohen kategoritë që do të përfitojë faljen.