PD: Konçesionari i Tiranës shkel kontratën, Balluku bën sehir

Këshilltari ligjor i PD-së, Marash Logu ishte i pranishëm në Komisionin Hetimor për Incerenatorët, ku tha se është shkelur kontrata por që ministrja e Infrastrukturës dhe Energjisë Belinda Balluku po bën sehir. Logu shkruan nw facebook se Inceneratori i Tiranës ka pranuaer mbetje nga Durrësi pa miratim nga Autoriteti Kontraktues.

”Konçesionari i Tiranës shkel kontratën, Balluku bën sehir. Në kundërshtim me kontratën konçesionare, inceneratori i Tiranës pranoi mbetje nga bashkia Durrës, pa miratimin paraprak nga Autoriteti Kontraktues, Ministria e Infrastrukturës dhe Energjisë. Njësia e Zbatimit të Projektit të Tiranës i rekomandoi Ministrisë amendimin e kontratës, përpara se konçesionari të pranonte mbetjet e Durrësit. Ministria nuk mori asnjë masë.

Në shkelje të kontratës konçesionare, inceneratori i Tiranës pranoi dhera nga ndërtuesit e Tiranës, pa miratimin paraprak nga Autoriteti Kontraktues, Ministria e Infrastrukturës dhe Energjisë.

Megjithëse, konçesionarit iu shtuan 10 milionë euro të ardhura nga mbetjet e bashkisë Durrës dhe 40 milionë euro nga depozitimi i dherave të bashkisë Tiranë, sërish tarifa për depozitimin e mbetjeve mbeti e njëjtë 29 euro/ton (41 euro/ton sipas përllogaritjes së KLSH-së). ‼️Inceneratori i Tiranës pasurohet, buxheti i shtetit pakësohet dhe qytetari varfërohet”.