Ish-anëtari i kryesisë së PD, Enno Bozdo, thotë se PD-ja ka nevojë për një rikonceptim tërësor të saj në mënyrën e të bërit opozitë.
“Mendoj se PD ka nevojë për një rikonceptim tërësor të saj në mënyrën e të bërit opozitë. Të tjera fytyra në front të parë, kauza të tjera që janë të ngulitura fort në konceptin e qendres së djathtë”, u shpreh Bozdo. Për të përplasja mes Berishës dhe Bashës ul besimin e qytetarëve ndaj PD-së.
”Ajo që kemi artikuluar gjithmonë kanë qenë që PD duhet të ngrejë një model të ndryshëm të të qenurit të saj, një model që tejkalon jo vetëm Berisha por edhe zotin Basha. Shqiptarët duan rotacion me njerëz të besueshëm nuk duan ta shohin PD në këtë situatë. Me këtë iniciativë të Berishës është hapur një debat për të ardhmen e PD”.
