Përfshihet nga flakët një pallat në Maliq, rrezikohen disa banorë

Një zjarr ka rënë në një pallat në Maliq, ndërsa flakët kanë përfshirë ambiente e një banese kolektive, duke rrezikuar seriozisht banorët që jetojnë atje. Zjarri ka rënë fillimit në çatinë e pallatit e më pas flakët janë përhapur.

Në vendngjarje kanë shkuar forcat zjarrfikëse të bashkisë së Maliqit, por kërkohen përforcime nga zjarrfikësit e Korçës dhe Pogradecit.
Nuk raportohet për persona të lënduar, ndërsa nuk dihen ende shkaqet e zjarrit.