Japonia, Franca, Spanja, Suedia dhe Kanadaja janë vendet e fundit që kanë zbuluar raste të reja të mutacionit të ri i cili është potencialisht më i transmetueshëm dhe është raportuar së pari në Britani.Përhapja e shpejtë e variantit çoi në bllokimin e Londrës dhe Anglisë jugore këtë javë, nxiti një bllokim të përkohshëm të Kanalit Anglez në kufi me Francën dhe shumë venbde rreth botës ndaluan udhëtarët që vinin nga Britania. Për shkak se pak vende kanë nivelin e mbikëqyrjes gjenomike që bën Britania, ekziston shqetësimi se varianti mund të ketë udhëtuar nëpër botë i pazbuluar për javë të tëra.
Një studim i fundit nga shkencëtarët britanikë nuk gjeti prova se varianti është më vdekjeprurës se të tjerët, por vlerësoi se është 56 përqind më ngjitës.Deri më tani, varianti britanik është diagnostikuar në shtatë persona në Japoni, tha ministria e shëndetësisë e vendit. Të gjithë kishin udhëtuar kohët e fundit në Britani ose kishin qenë në kontakt me dikë që kishte udhëtuar.
Në Spanjë, varianti u gjet në rajonin e kryeqytetit, thanë autoritetet lokale të shtunën. Antonio Zapatero, një zyrtar rajonal i shëndetësisë, tha se katër raste ishin konfirmuar në Madrid, ndërsa tre të tjerë po trajtoheshin si të dyshimtë. Të paktën dy nga rastet përfshijnë njerëz që kishin qenë kohët e fundit në Britani dhe më pas ishin testuar pozitivisht në Madrid, si dhe disa nga të afërmit e tyre.
Rasti i parë i variantit të ri të përhapjes së shpejtë të koronavirusit në Francë u identifikua të Premten, sipas ministrisë franceze të shëndetësisë. Zyrtarët thanë se pacienti ishte një qytetar francez që jetonte në Britani i cili kishte udhëtuar nga Londra në Tours, një qytet në Francën qendrore, më 19 dhjetor, një ditë para se qeveria britanike të vendoste një bllokim pas shfaqjes së variantit. Zyrtarët në Suedi njoftuan të Shtunën se një rast i variantit ishte zbuluar atje pasi një udhëtar vizitoi Sormland, afër Stokholmit, nga Mbretëria e Bashkuar gjatë Krishtlindjeve.Zyrtarët shëndetësorë në Ontario, Kanada, thanë të Shtunën se ata kishin konfirmuar dy raste të variantit në një provincë. Të dy rastet ishin një çift nga Durham, rreth 90 milje në veriperëndim të Torontos. Çifti nuk kishte histori të njohur udhëtimesh, ekspozimi ose kontakte me rrezik të lartë, tha ministria e shëndetësisë e krahinës.
Varianti britanik ka një konstelacion prej 23 mutacionesh, disa prej të cilave mund të ndryshojnë transmetueshmërinë e tij. Ekspertët e vaksinave janë të bindur se vaksinat e disponueshme do të jenë në gjendje të bllokojnë variantin e ri, megjithëse kjo duhet të konfirmohet nga eksperimentet laboratorike që tani janë duke u zhvilluar.Disa variante të tjera shqetësuese janë identifikuar gjithashtu, duke përfshirë një në Afrikën e Jugut dhe një tjetër në Nigeri. Britania tha të enjten se do të ndalonte udhëtimin nga Afrika e Jugut pasi sekretari britanik i shëndetësisë, Matt Hancock, tha se dy persona u konfirmuan se ishin infektuar me variantin që u shfaq atje.Gjermania, Hollanda, Libani, Australia dhe Singapori kanë identifikuar infeksionet me variantin e ri.
Dhe Danimarka, e cila ka mbikëqyrje më të gjerë gjenomike se shumë vende të tjera, zbuloi 33 raste të variantit nga 14 nëntor deri më 14 dhjetor, sipas autoriteteve shëndetësore daneze.Sh.B.A nuk ka raportuar ende ndonjë rast të variantit të Mbretërisë së Bashkuar. Por vendi do t’u kërkojë të gjithë pasagjerëve të linjave ajrore që mbërrijnë nga Britania për tu testuar negativisht për koronavirusin brenda 72 orësh nga nisja e tyre, thanë të enjten Qendrat për Kontrollin dhe Parandalimin e Sëmundjeve. Rregulli do të hyjë në fuqi të hënën.