Përkeqësohet gjendja shëndetësore e Melisës, flasin fqinjët: Ishte e tmerruar, gjithë trupi ishte me plagë të shumta

Përkeqësohet gjendja e Melisa Trëndafilit, e cila u lye me benzinë nga bashkëshorti i saj Bledar Trëndafili, i cili më pas i vuri edhe flakën. 31-vjeçarja është nisur drejt Spitalit Universitar “Nënë Tereza”. Policia ka ngritur pika kontrolli për autorin e dyshuar. Një fqinj që i ka dhënë ndihmën e parë, deklaroi jashtë kamerave tha se pothuajse gjithë trupi ishte me plagë të shumta.

“Kam parë një burrë i cili në mes të rrugës fare pranë shtëpisë sime ka spërkatur me benzinë një grua e me pas i ka vënë flakën. Gruaja e tmerruar ka trokitur në portën e shtëpisë time dhe së bashku me bashkëshorten e kemi ndihmuar fikjen e flakëve të zjarrit. I kemi hequr të gjitha rrobat nga trupi dhe e kemi veshur por plagët me përjashtim të fytyrës dhe këmbëve, ishin të mëdha dhe pothuajse gjithë trupi ishte me plagë të shumta. Kemi lajmëruar policinë dhe ambulancen të cilët erdhën shpejt në vendin e ngjarjes”.

Bledar Trëndafili edhe herë të tjera ka ushtruar presion ndaj bashkëshortes e cila jeton me qira në një prej rrugicave të lagjes Nr. 1 në afërsi të Bulevardit “Republika”. Ai i ka kërkuar bashkëshortes të heqë dorë nga procesi i divorcit por ajo ka qenë kundër ribashkimit.