“Perlat” e imamit: Mos i lini gratë të shkojnë në det, nëse është nevoja rrihini

Në rrjetet sociale është përhapur me shpejtësi një video ku një imam në Kosovë, bën thirrje ndaj besimtarëve myslimanë, lidhur me gjërat që nuk duhet të bëjnë vajzat dhe gratë e tyre.

Siç mund të dëgjoni në videon që gjeni më poshtë, ai u bën thirrje prindërve dhe bashkëshortëve që të mos i lënë vajzat dhe gratë të shkojnë në plazh, gjatë periudhës së agjërimit.

Ndërsa Ramazanit po i vjen fundi, imami thotë se po shkove në det, prishet Ramazani.

“Mos i leni me shku në det, gratë gjatë Ramazanit. Bishtin e sakicës (lloj sëpate) e keni pas dere? Nëse është nevoja përdoreni”, shprehet imami.

Por pavarësisht predikimeve të tij, thirrjet e imamit janë cilësuar të tepruara, madje edhe skandaloze.

Në videon më poshtë gjeni deklaratën e plotë të imamit.