Përmbyten sërish serat në Fier

Për herë të dytë, fermerët e luleshtrydhes në Kafaraj të Fierit, panë sesi produktet e tyre përmbyet për shkak të bllokimit të kanaleve kulluese.

Më të prekurit janë fermerët që për ti shpëtuar vërshimit të Vjosës morën toka me qira e ndërtuan sera larg shtratit të lumit. “Ikëm nga shiu ramë në breshër”,-tha një fermer.

Kanali i Çesmës që mbledh ujërat e një pjesë të madhe të Frakullës për Bashkinë e Fierit ishte i pastruar por në realitet fermerët thonë se aty nuk është vënë dorë prej vitesh.

Fermerët thonë se dëmet janë të mëdha, pasi ata kishin nisur vjeljen e luleshtrydhes së parë, e cila del në treg me çmime të kënaqshme për ta. Vërshimi u ujit, sipas fermerëve tashmë mori edhe djersën e tyre. Frakulla është një ndër zonat me prodhimin më të lartë të luleshtrydhes në Shqipëri por prej disa vitesh fermerët janë goditur nga përmbytjet.